“अवधूत चिंतन श्री गुरुदेव दत्त”
अवधूत चिंतन श्री गुरुदेव दत्त असा जयघोष प्रत्येक दत्तभक्त करत असतो पण यातील अवधूत या शब्दाचा सरळ अर्थ तुम्हाला माहित आहे का? अवधूत हा शब्द नेमका का उच्चारला जातो? त्यामागील इतिहास काय आहे या शब्दाचा अर्थ काय होतो याबाबतची सविस्तर माहिती आज आपण पाहणार आहोत.
अवधूत शब्दाचा उपनिषेधातील अन्वय अर्थ आपण पाहूयात सुरुवात या अक्षराची ‘अ’ म्हणजे अक्षरत्व अक्षर ब्रह्माचा ज्वाला साक्षात्कार झाला आहे असा ‘व’ म्हणजे वर्णी तत्त्वासाठी श्रेष्ठत्व आणि पूर्णत्वाची पराकाष्ठा करणारा ‘ध’ म्हणजे सर्व बंधनापासून मुक्त धुतलेला असा, ‘त’ म्हणजे तत्त्वमसि महा वाक्याचे बोध आणि अखंड भावनेने वावरणारा पुरुष म्हणजे ‘अवधूत’. संन्यासी वृत्तीचा सिद्धपुरुष म्हणजे अवधूत.
गुरु दत्तात्रय यांनी आपल्या २४ गुरूंद्वारे गुरूंचे ‘तत्त्व’ रूपात प्रतिनिधित्व केले आहे. म्हणजेच गुरुदेव ही उपाधी साधारण नसुन तत्वांचा अर्थ स्पष्ट करते. चराचरात प्रचलित असलेल्या गुरु तत्वाकडून जे शिक्षण आणि ज्ञान मिळते ते नम्रपणे शिकले पाहिजे आणि ते आपल्या व्यवहारात लागू करण्याचा सर्वतोपरी प्रयत्न केला पाहिजे.
श्री दत्तांच्या २४ गुरूंमध्ये पृथ्वी, आकाश, महासागर, लहान मूल, वेश्या, हत्ती इ. आहेत. श्री दत्तात्रय हे त्रिमितीय अवतार आहेत आणि श्री दत्तात्रयांचा पहिला अवतार म्हणून श्रीपाद श्रीवल्लभ प्रभू (पिठापूर आंध्रप्रदेश), दुसरा अवतार श्री नृसिंह सरस्वती स्वामी महाराज (कारंजा नृसिंहवाडी महाराष्ट्र) आणि नंतर अक्कलकोट श्री स्वामी समर्थ महाराज हे पूज्य आहेत!
आधुनिक काळात, जिथे खर्‍या गुरूला भेटणे दुर्लभ आहे, तेव्हा अवधूतांनी आपल्या २४ गुरूंद्वारे श्री दत्तात्रयांच्या शिकवणीचा मार्ग मोकळा केला, की तत्त्वाचे चिंतन करून, आपण श्रीगुरुंची कृपा होण्यासाठी सर्वतोपरी प्रयत्न केले पाहिजेत. श्रीगुरु दत्तात्रयांच्या कृपेने एक सदगुरु आपल्याला सापडतील आणि आपला शिष्य बनवतील यात शंका नाही, अन्यथा श्रीगुरु दत्तात्रय आपल्याला जीवनाचे तत्वज्ञान सोपे करून आपल्याला एकरूप तर नक्कीच करतील!
अत्रिऋषि अनुसूयानंदन श्री दत्तात्रेय हे परात्परगुरू आहेत, जे आपल्या भक्तांच्या नुसत्या स्मरणाने त्रिगुणात्मक त्रिमूर्तीच्या रूपात प्रसन्न होतात, जे मनाचे शुद्ध विचार पूर्ण करतात. मार्गशीर्ष पौर्णिमेच्या दिवशी सती अनुसूयाच्या पतिव्रता धर्माची परिक्षा घेण्यासाठी मार्गशीर्ष शुध्द चतुर्दशीला आलेल्या ब्रह्मा विष्णू महेशला आपल्या तपाच्या सामर्थ्याने अर्भकाच्या रूपात रूपांतरित करून आई अनुसूयाने त्रिमूर्तीला दूध पाजले.
श्रीदत्त जन्मोत्सव चतुर्दशीला श्रीदत्त निर्गुण पादुका परिसरात, गाणगापूर आणि इतर ठिकाणी पौर्णिमेच्या दिवशी साजरा केला जातो. श्री दत्तात्रय हे अवधूत रूप असून दिगंबर हा अवतार त्यांना प्रिय आहे. सकल श्रीविद्येचे संस्थापक आणि नाथ परंपरेचा उगमही श्री दत्तात्रयांपासूनच! योगीजनवल्लभ श्रीगुरु दत्तात्रय हे श्रीगुरु परंपरेतील आदिपुरुष योगींचेही आराध्य आहेत. श्रीगुरु दत्तात्रयांच्या प्रतिमेत त्यांच्यासोबत उभी असलेली गाय कामधेनू आहे जी त्यांच्या भक्तांच्या इच्छा पूर्ण करते. पायाशी बसलेले चार कुत्रे म्हणजे चतुर्वेद आणि धर्म, अर्थ, काम, मोक्षाचे प्रतीक आहेत.
श्रीदत्त अंसावतारी श्रीमत्परमहंस परिव्राजकाचार्य सद्गुरु श्री वासुदेवानंद सरस्वती (टेंबे) स्वामी महाराज, ज्यांनी श्रीगुरू दत्तात्रयांची संपूर्ण जगाला ओळख करून दिली, त्यांनी आपल्या दिव्य लेखनातून “दिगंबरा दिगंबरा श्रीपाद वल्लभ दिगंबरा” हा महान मंत्र जगासमोर प्रकट केला. वासुदेवानंद सरस्वती (टेंबे) यांनी श्रीदत्त पंथाला सर्वसामान्य लोकांशी जोडण्यासाठी श्रीगुरूंचे ग्रंथ स्तोत्र स्तोत्र आणि श्लोकांची रचना केली. टेंबे स्वामींनी रचलेल्या रचनांमधून श्रीगुरू दत्तात्रयांची स्तुती केल्याने अतुलनीय मानसिक शांती आणि मनाची स्थिरता सहज अनुभवता येते.
श्री माणिकप्रभू हे देखील श्रीदत्तांचे अवतार मानले जातात. श्रीक्षेत्र गाणगापूर येथे श्रीदत्तांची निर्गुण पादुका आणि नृसिंहवाडी येथे मनोहर पादुका बसवलेली आहे. श्रीगुरु परंपरेत गुरूच्या रूपापेक्षा पादुका पूजनाला अधिक महत्त्व आहे. आधुनिक कलियुगाच्या काळात योगीजनवल्लभ श्रीगुरु दत्तात्रयांचे ध्यान, उपासना आणि स्तुती लवकरच फलदायी ठरते. या मायावी जगाचा भ्रम मोडून, श्रीगुरूंच्या नामस्मरणाने आपण आपल्या जीवनाचा मार्ग सहज पार करू शकतो आणि त्यांच्या कृपेने आपल्याला मन:शांती आणि अक्षम्म समाधान संपत्ती प्राप्त होऊ शकते.
थोडक्यात अवधूत म्हणजे – सिद्धपुरुष म्हणजे जो योग साधना तपश्चर्या अगदी सहज ध्यान करतो तो म्हणजे अवधूत. अवधूत म्हणजे वेद पुरुष, आणि म्हणून दत्तगुरूंच्या नामउल्लेखामध्ये “अवधूतचिंतन श्री गुरुदेव दत्त” या वाक्याचा उच्चार करतात भगवंताचे नाम सतत अनुसंधान ठेवावे व त्याला शरण जावे या सर्वांचे सार आहे.
मित्रांनो कोणत्याही प्रकारची अंध श्र द्धा पसरवणे हा आमच्या पेज चा उद्देश नाही केवळ भारतीय समाज मान्य असलेल्या कथा उपाय विधी आपल्या पर्यंत पोहचवले जातात आमचे पेज कोणत्याही प्रकारच्या अंध श्र द्धेला खतपाणी घालत नाही इथे शे’यर होणारे लेख हे फक्त माहिती साठी आहेत त्यांचा वापर अंध श्रद्धा म्हणून करू नका.
तुम्हाला काय अजून वाचायला आवडेल हे आम्हाला कमेंट मार्फत नक्की कळवा कारण तुमची एक कमेंट आमचे प्रोत्साहन वाढवत असते तसेच आमचे फेसबुक पेज हि नक्की लाईक करा जेणेकरून तुम्हाला आमच्या सर्व अपडेट मिळतील आणि त्याच बरोबर आमचे फेसबुक पेज शे’अर हि नक्की करा धन्यवाद!